काठमाडौं । प्रहरीले काठमाडौँको न्युरोडबाट एक केजी ८ सय ग्राम सुन र एक करोड ४३ लाख रूपैयाँ नगदसहित पक्राउ परेकाहरूलाई सार्वजनिक गरेको छ ।
पक्राउ पर्नेहरूमा तीन भारतीय नागरिक रहेका छन् भने दुई जना नेपाली छन् ।
जसमा दार्चुलाको महाकाली नगरपालिका वडा नम्बर ३, टाँटे बस्ने वर्ष ४७ का गणेश दत्त बडु, झापा बिर्तामोड नपा–३ का ३० वर्षीय दिनेश खरेल, दार्चुला टाटे नपा वडा नं. ३ का २१ वर्षीय आयुष बहु र झापा बिर्तामोड नपा वडा नं. ३ का २२ वर्षीय भातराज खोल छन्।
तीन भारतीय नागरिकमा भारत महाराष्ट्र सांगली आटपाडी थाना ठेगानाका ३७ वर्षीय अमोल विभूत, सोही ठेगानाका १८ वर्षीय ऋषिकेश प्रकाश विभूते र १८ वर्षीय गणेश सतिश वाल्टे छन्। पक्राउ परेकाहरूबाट एक केजी ७६८.२५ ग्राम सुन र एक करोड ४३ लाख ६० हजार नगद बरामद गरिएको छ ।
