काठमाडौं । कृषिजन्य उत्पादमा प्रयोग हुने विषादी पछिल्लो समय झनै बढेको छ।
सार्वजनिक भएको महालेखा परीक्षकको ६१औँ प्रतिवेदन अनुसार नेपालमा आर्थिक वर्ष २०७९/ ०८० मा पछिल्लो पाँच वर्षयताकै धेरै मात्रामा विषादी आयात भएको छ । यो आर्थिक वर्ष ०७५/ ०७६ को तुलनामा ४६.३ प्रतिशतले बढी हो ।
आर्थिक वर्षमा पाँच हजार ९७५ नामका ११ लाख ८३ हजार ७४१ केजी विषादी आयात भएको छ । तिनको मूल्य एक अर्ब ६९ करोड ६३ लाख रुपैयाँ रहेको प्रतिवेदतनमा उल्लेख छ ।
आर्थिक वर्ष २०७५/०७६ मा ९५ करोड बराबरको आठ लाख नौ हजार केजी विषादी आयात भएको थियो ।
