काठमाडौं । सरकारी कार्यालयहरुमा अबदेखि विदेशी गलैंचा प्रयोग गर्न नपाइने भएको छ।
संघीय संसदको संयुक्त बैठकमा आगामी आर्थिक वर्ष २०८१/०८२ को बजेट प्रस्तुत गर्दै अर्थमन्त्री वर्षमान पुन अनन्तले सरकारी कार्यालयहरुमा स्वदेशी गलैंचा प्रयोग गर्नुपर्ने व्यवस्था गरिएको बताए।
आन्तरिक उत्पादनलाई प्रोत्साहन गर्नका लागि यस्तो व्यवस्था गरिएको सरकारको दाबी छ । अर्थमन्त्री पुनले यसपालि स्वदेशी उत्पादनलाई प्रोत्साहनस्वरूप बजेट भाषण बोक्न पनि नेपाली कपडाको झोला प्रयोग गरेका छन् । उनको सचिवालयका अनुसार बजेट भाषण बोक्न ठमेलबाट झोला किनिएको हो ।
