काठमाडौं, ८ असोज । स्वदेशी वस्तु तथा सेवाको प्रबद्र्धन गर्ने उद्देश्यले दुई दिने ‘मेड इन नेपाल एक्स्पो २०७६’ हुने भएको छ ।
नेपाली युवा उद्यमी मञ्चले आयोजना गर्न लागेको ७ औं संस्करणको ‘मेड इन नेपाल एक्स्पो’ को तयारी पूरा भएको मञ्चले जनाएको छ । मञ्चले बुधबार काठमाडौंमा पत्रकार सम्मेलन गरी आगामी असोज १० र ११ गते ललितपुर सानेपास्थित हेरिटेज गार्डेनमा आयोजना हुन लागेको मेलाबारे विस्तृत जानकारी गराएका हो ।
मुलुकभित्र स्वदेशी उत्पादन तथा सेवाको विस्तार, लगानी प्रबद्र्धन तथा रोजगारी सृर्जनामा सहयोग पु¥याउने उद्देश्यले मेला आयोजना गर्न लागेको मञ्चका अध्यक्ष निकोलस पाण्डेले बताए ।
मञ्चले सन् २००६ देखि निरन्तर यस्तो मेला आयोजना गर्दै आईरहेको छ । ‘आफ्नो भन्या आफ्नै हो’ भन्ने नाराका साथ आयोजना हुन गईरहेको प्रदर्शनीले सामाजिक जागरुकता र राष्ट्रिय अर्थतन्त्रको विकासमा टेवा पु¥याउने मञ्चको विश्वास छ ।
नजिकिंदै गरेको चाडपर्वको मौसमलाई लक्षित गरेर आयोजना गरिएको मेलामा विभिन्न सास्कृतिक कार्यक्रम पनि हुँदै छन् । त्यसैगरी, दशैंमा सपिङ गर्नलाई समेत सहयोग हुने गरी मेलामा सामग्री प्रदर्शनमा राखिने आयोजकले जनाएको छ ।
दशैंको सपिङ पनि गराउन र स्वदेशी उत्पादनको बारेमा जानकारी दिन मेला उपयुक्त थलो भएको पाण्डेले बताए ।
साना उद्यमीलाई अवसर
यस पटकको मेलामा साना उद्यमीलाई पनि अवसर दिएको मञ्चले जनाएको छ । त्यसले साना व्यवसायबाट अगाडि बढेका उद्यमीलाई हौसला प्रदान गर्ने र रोजगारी सृजनामा सहयोग पु¥याउने अध्यक्ष पाण्डेको भनाइ छ । साना व्यवसायलाई प्रबद्र्धन गर्न करीब १२ जना उद्यमीलाई निःशुल्क स्टलको व्यवस्था समेत गरिएको छ ।
प्रत्यक नेपालीले आफ्नो देशको आर्थिक विकासका लागि आफ्नै देशका सामान र सेवाको प्रयोग गर्ने र अन्तर्राष्ट्रियस्तरमा यसको पहिचान स्थापित गर्न सके देशको आर्थिक अवस्था सुदृढ तथा सवल हुने विश्वास मञ्चको छ । नेपाली उत्पादन राम्रो र हाम्रो पनि छ भनेर चिनाउन मेलामा आयोजना गरिएको मञ्चले जनाएको छ ।
मेलामा श्रृङ्गार, कपडा, जुत्तालगायतका साना ठुला वस्तु तथा सेवाका ७० बढी स्टल रहने छन् । दुई दिन चल्ने एक्स्पोमा २० हजार भन्दा बढी व्यक्तिले अवलोकन गर्ने आयोजकको दाबी छ ।
निःशुल्क प्रवेश दिइने मेलामा खाना महोत्सव, सांस्कृतिक कार्यक्रमसहित बालबालिकाहरुका लागि खेलकुदको व्यवस्था समेत गरिएको छ । मेलामा विभिन्न कलाकारले आफ्नो प्रस्तुति दिने छन् ।
नेपाली युवा उद्यमी मञ्च देशभरिका ४० वर्ष मुनिका युवा उद्यमीहरुको साझा मञ्च हो । मञ्चका विभिन्न जिल्लामा ७ वटा शाखा रहेको छ ।
