काठमाडौं । शेयर बजार झिनो अंकले बढेको छ । साताको कारोबारको चौंथो दिन नेप्से परिसूचक २.२७ अंकले बढेर २०७८.७६ विन्दुमा पुगेको हो ।
यसदिन ३०८ कम्पनीको ३ अर्ब ४० करोड ४३ लाख ७२ हजार ६३२ रुपैयाँ बराबरको ७२ लाख ९ हजार ७७५ कित्ता शेयर किनबेच भएको छ । कारोबारमा आएका १३ वटा उपसमूहमध्ये ६ वटा कम्पनीको बाहेक अरु उपसमूहको परिसूचक घटेको छ ।
आज नेपाल फाइनान्सको सर्वाधिक कारोबार भएको छ । यसको २० करोड रुपैयाँ बढीको शेयर किनबेच भएको छ ।
