काठमाडौं । भारत आइसीसी टी २० विश्वकपको फाइनलमा पुगेको छ । गएराति सम्पन्न सेमिफाइनल खेलमा इङ्ल्यान्डलाई ६८ रनले पराजित गर्दै भारत १० वर्षपछि फाइनलमा पुगेको हो ।
साविक विजेता समेत रहेको इङ्ल्यान्डलाई फराकिलो अन्तरले हराउँदै भारत तेस्रो पटक टी २० विश्वकपको फाइनलमा प्रवेश गरेको हो । भारतले दिएको १७२ रनको लक्ष्य पछ्याएको इङ्ल्यान्ड ब्याटिङ् चल्न नसकेपछि १६ दशलमव ४ ओभरमा १३ रनमा समेटियो ।
इङ्ल्यान्डका ओपनर जस बटलरले १५ बलमा ४ चौकासहित २३ रन बनाउँदै राम्रो सुरुवात गरे पनि अन्यले उल्लेख्य योगदान गर्न सकेनन् । भारतका लागि अक्षर पटेल र कुलदीप यादवले समान ३ विकेट लिए । जसप्रित बुम्राहले २ विकेट झारे ।
त्यसअघि टस हारेर पहिला ब्याटिङ गरेको भारतले ७ विकेटको क्षतिमा १७१ रन बनाएको थियो । ओपनर तथा कप्तान रोहित शर्माले ३९ बलमा ५७ रन प्रहार गर्दै राम्रो सुरुवात दिलाएका थिए । उनले ६ चौका र २ छक्का प्रहार गरे ।
यस्तै सूर्यकुमार यादवले ३६ बलमा ४ चौका र २ छक्का सहित ४७ रन जोडे । हार्दिक पन्ड्याले १३ बलमा २७ रन बनाए भए रविन्द्र जडेजा ९ बलमा १७ रनमा नटआउट रहे । अक्षर पटेल १० रनमा अविजित रहे ।
भारतले फाइनलमा भोलि राति सवा ८ बजे दक्षिण अफ्रिकासँग खेल्नेछ ।
