`
काठमाडौं । इन्स्टाग्रामले मंगलबार आफ्नो प्लेटफर्ममा युवा प्रयोगकर्ताहरूलाई खतराबाट जोगाउन अहिलेसम्मकै सबैभन्दा राम्रो घोषणा गरेको छ। इन्स्टाग्रामले नयाँ ‘टिन अकाउण्ट सेटिंग्स’ लागु गरेको छ । यसले स्वचालित रूपमा लाखौं ‘टिन अकाउन्ट’हरूलाई ‘प्राइभेट’ बनाउनेछ र ती प्रयोगकर्ताहरूले एपमा हेर्ने कन्टेन्टमा फिल्टर गरी सो उमेर समूहलाई अनुपयुक्त हुने खालका सामग्री ब्लक गर्नेछ ।
सामाजिक सञ्जालको प्रयोग र दुरुपयोगबाट हुने जोखिमबाट बालबालिका तथा किशोरकिशोरीहरुलाई जोगाउनका लागि सञ्चालक कम्पनी र सरकारहरुले विशेष नीति तथा पहलकदमी लिनुपर्ने माग उठिरहेका बेलामा मेटाले नयाँ घोषणा गरेको हो ।
नयाँ प्रतिबन्ध एपमार्फत अभिभावकीय पर्यवेक्षण अपनाउन प्रेरित गर्न पनि डिजाइन गरिएको छ। इन्स्टाग्रामले स्वचालित रूपमा १८ वर्ष भन्दा कम उमेरका सबै प्रयोगकर्ताहरूको लागि नयाँ ‘टिन अकाउण्ट’ सेटिंग्स लागू गर्नेछ।
अद्यावधिक पछि, १६ र १७ बर्षीय प्रयोगकर्ताहरूले म्यानुअल रूपमा एपलाई उनीहरूको मनपर्ने सेटिंग्समा परिवर्तन गर्न सकिनेछ । अर्थात् जोखिमपूर्ण मानिएको उमेर समूह पार गरिसकेका किशोरकिशोरीहरुले आफ्नो इन्स्टाग्राम अकाउन्टको स्वरुपमा परिवर्तन गरी वयस्कहरुले चलाउने संस्करणमा प्रवेश गर्न सक्नेछन् ।
तर १३ देखि १५ वर्षका प्रयोगकर्ताहरूले त्यस्ता कुनै पनि परिवर्तनहरूको लागि अभिभावकको अनुमोदन प्राप्त गर्नु पर्नेछ ।
