काठमाडौं, २८ असोज । हिरो मोटरसाइकलको आधिकारिक बिक्रेता नेपाल जनरल मार्केटिङले एक्स्पल्स २०० मोटरसाइकलको बिक्री वितरण सुरु गरेको छ ।
नेपाली बजारमा राम्रो बिक्री लक्ष्य लिएको यस मोटरसाइकलको मूल्य ३ लाख ७५ हजार रुपैयाँ रहेको कम्पनीले बताएको छ ।
कम्पनीका अनुसार बिक्री सुरु भएको केही समयमा नै यो मोटरसाईकल भारतमा आक्रमक रुपमा बिक्री भएको थियो ।
एक्स्पल्स २०० मा २०० सिसि सिभि कार्बुरेटर इन्जिन जडान गरिएको छ जसको कारण १८.४ पिएस पावर र १७.१ एनएम टर्क प्रदान गर्ने क्षमता राख्ने कम्पनीले बताएको छ ।
यस मोटरसाईकलमा भएको एकल च्यानल एबिएस, मोड मोडको परिचालन, एलइडी हेड ल्याम्प र टेल ल्याम्प, ब्लुटूथ सहितको डिजीटल गति सूचक यन्त्र आदीको कारण यात्रा सफल हुने कम्पनीको दाबी छ ।
एक्स्पल्स रातो, कालो, सुनौलो र कैलो गरि चार रंगहरुमा उपलब्ध रहेको कम्पनीले बताएको छ ।
