काठमाडौं । प्रधानमन्त्री केपी शर्मा ओली आज चीन भ्रमण सकेर फर्कदै छन् । प्रम ओली फर्कने बेलामा त्रिभुवन अन्तर्राष्ट्रिय विमानस्थल आधा घण्टा बन्द गरिने भएको छ ।
प्रधानमन्त्री चढेको विमान अवतरण हुनुभन्दा अघि २५ मिनेट र पछि ५ मिनेट गरी आधा घण्टा त्रिभुवन विमानस्थलमा अन्य विमान उडान(अवतरण बन्द गरिएको हो ।
राष्ट्र प्रमुख वा सरकार प्रमुखको औपचारिक विदेश भ्रमणको उडान वा अवतरण हुने बेला सुरक्षाका दृष्टिकोणले विमानस्थलमा अन्य उडान वा अवतरण गर्न नदिइने अन्तर्राष्ट्रिय अभ्यास रहेको छ ।
