काठमाडौं । बनेपाको साँगाबाट आधा किलो (५ सय ५८ ग्राम) सुनसहित २ जनालाई प्रहरीले पक्राउ गरेको छ । प्रहरीले आइतबार काभ्रेको बनेपा नगरपालिका–१३ साँगा चोकबाट रोशी गाउँपालिका–९ बस्ने ३८ वर्षीय बसन्त लामा र रामेछाप मन्थली नगरपालिका–१ बस्ने २९ वर्षीय अमृत श्रेष्ठलाई पक्राउ गरेको हो ।
काठमाडौंबाट बनेपातर्फ जाँदै गरेको बीएबी ८६०८ नम्बरको कारलाई जाँच गर्ने क्रममा कारको सिट मुनी प्लास्टिकको झोलामा लुकाएर राखेको सुन बरामद भएको प्रहरीले जानकारी दिएको छ । कारका चालक बसन्त र कारमा सवार अमृतलाई पक्राउ गरेको हो ।
