काठमाडौं । सिद्धार्थ बैंक नेपाल प्रिमियर लिग (एनपिएल) को विजेताले १ करोड १० लाख रुपैयाँ नगद पुरस्कार पाउने भएको छ।
काठमाडौंको कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी एनपिएलको आयोजक नेपाल क्रिकेट संघ (क्यान) ले पुरस्कारको घोषणा गरेको हो।
त्यस्तै द्वितीय पुरस्कार ५१ लाख रुपैयाँ घोषणा गरिएको छ।
तृतीय पुरस्कार २५ लाख र चौथो पुरस्कार १५ लाख घोषणा गरिएको क्यानका प्रवक्ता छुम्बी लामाले जानकारी दिए। एनपिएलको बुधबारदेखि प्लेअफ सुरू हुँदैछ।
