काठमाडौं । कुखुराको अन्डाको मूल्य वृद्धि हुने भएकाे छ। कुखुराकाे अण्डाकाे मूल्य ५ पुसदेखि लागु हुनेगरी बढाउन लागिएको हाे । अन्डाको मूल्य प्रतिक्रेट १५ रुपैयाँको दरले बढाएको नेपाल लेयर्स कुखुरापालक संघले जानकारी दिएको छ । बजारमा अन्डाको मूल्य प्रतिगोटा १६ रुपैयाँ पर्ने भएको छ ।
संघका अनुसार मिडियम साइज अन्डा प्रतिक्रेट ४७० रुपैयाँबाट ४८५ पुर्याइएकाे छ । त्यस्तै ठुलाे अन्डा प्रतिक्रेट ४८५ रुपैयाँबाट ५०० रुपैयाँ प्रतिक्रेट पुगेको हो ।
अन्डालाई बिक्री डिपोमा पुर्याउँदा भाडा, कार्टुन र क्रेट सहितको प्रति पेटी १४० रुपैयाँ थप लाग्ने हुदा त्यस अनुसार बढाईएकाे हाे ।
