काठमाडौं । एनपीएलकाे उपाधि जनकपुर बाेल्ट्सले हात पारेकाे छ। आज भएकाे खेलमा सुदुरपश्चिम राेयल्सलाई हराउँदै जनकपुर बिजेता बनेकाे हाे।
फाइनलमा जनकपुर बोल्ट्सले सुदूरपश्चिम रोयल्सलाई ५ विकेटले पराजित गर्दै उपाधि जितेको हो ।
सुदूरपश्चिम रोयल्सले दिएको १८५ रनको लक्ष्य पछाएको जनकपुर बोल्ट्सले १९.२ ओभरमा ५ विकेट गुमाउदै लक्ष्य पुरा गरेको थियो । जनकपुरका लागि लाहिरु मिलान्थाले सर्बाधिक ८७ रन बनाए ।
त्यस्तै कप्तान असिफ सेखले ३३ रन बनाए भने हर्ष ठाकेरले ३० रन बनाएका थिए ।
सुदूरपश्चिमले २० ओभरमा ९ विकेट गुमाउदै १८४ रन बनाएको थियो । सुदूरपश्चिमका लागि सैफ जैबले सर्बाधिक ६९ रन बनाएका थिए भने बिनोद भण्डारीले ४१ रन बनाएका थिए । त्यस्तै ब्राण्डन म्याकुलन र हर्मीत सिंहले १४-१४ रन बनाएका थिए भने स्कट कुगेलेइजिनले १३ रन बनाएका थिए ।
उपाधि जितेसँगै जनकपुर बोल्ट्सले १ करोड १० लाख पुरस्कार राशी र ट्रफि जितेको छ । यता उपविजेता बनेको सुदूरपश्चिम रोयल्सले ५१ लाख पाएको छ ।
