काठमाडौं । पूर्वराजा ज्ञानेन्द्र शाहले अहिले देशमा शान्ति चाहिएको भन्दै कसैले पनि कसैको कुभलो चिताउन नहुने बताएका छन् ।
शनिबार गोरखकाली मन्दिरमा पूजाअर्चना गरिसकेपछि सञ्चारकर्मीसँग कुराकानी गर्दै यस्तो बताएका हुन् । साथै देशवासीको सुख र समृद्धिको कामना गरेका छन् । उनले भने ‘अहिले देशमा शान्ति चाहिएको छ । कसैले कसैको पनि कुभलो नचिताओस्, भलो चिताओस् ।’
साथै आफ्ना पुर्खाको थलो आउन पाएको भन्दै खुशी व्यक्त गरे । शनिबार बिहान १० बजे पूर्वराजा शाह गोरखा दरबारस्थित गोरखनाथ मन्दिरमा पुगेका हुन् ।
