काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले युवाहरूको शक्तिलाई नहोच्याउन आग्रह गरेका छन्। सोमबार प्रतिनिधिसभा बैठकमा बाेल्दै लिङ्देनले जनताले चाह्यो भने यो गणतन्त्र हट्ने चेतावनी समेत दिए।
साथै, उनले गत १५ चैतमा तीनकुनेमा भएको प्रदर्शनमा आन्दालनकारीले मात्रै नभइ सरकारले पनि ज्यादती गरेको आरोप लगाए। उनले भने
‘अस्ति १५ गते आन्दोलनकारीले मात्रै ज्यादती गरेको हो ? त्यसको नियन्त्रण गर्ने जिम्मा सरकारको होइन ? तपाईं कांग्रेस एमाले भन्नेहरू भजन किर्तन गर्दै आएको हो ? तोडफोड नगरी आएको हो ? मान्छे नमारी आएको हो ?
‘लिङ्देनले थपे, ‘राजा किन हटाइयाे,राजा हटाएपछि नारायणहिटीमा व्यापार गर्न खोज्नुभयो । तपाईं राजा हटाएर देशमा लोकतन्त्र र गणतन्त्रको नाममा कुन खालको लुटतन्त्र मच्चाउन खोज्नुभएको छ बै युवाले हेरिरहेको छ ।’
