काठमाडौं । भारतको उत्तराखण्डस्थित उत्तरकाशीमा हेलिकप्टर दुर्घटना हुँदा ५ जनाको मृत्यु भएको छ । दुर्घटनामा दुई जना गम्भीर घाइते छन् ।
देहरादुनबाट हर्सिल भन्ने ठाउँ जाँदै गरेको हेलिकप्टर बिहिवार बिहान भागिरथी नदी नजिक पहाडी क्षेत्रमा दुर्घटना भएको हो ।
हेलिकप्टरमा सात जना सवार थिए ।
दुर्घटनाको कारण खुलेको छैन । उत्तराखण्डका मुख्यमन्त्री पुष्करसिंह धामीले घटनाको अनुसन्धान गर्न सम्बन्धित अधिकारीहरुलाई निर्देशन दिएका छन् ।
उत्तराखण्डमा केही दिनदेखि नै मौसम खराब भएकोले खराब मौसमका कारण दुर्घटना भएको प्रारम्भिक अनुमान गरिएको छ।
