गर्मीको मौसममा आइसक्रिम बच्चादेखि बृद्धसम्म सबैको रोजाईको खानेकुरा मा पर्छ। गर्मिमा आइसक्रिमकाे स्वाद लिनु सधैं रमाइलो हुन्छ, तर त्यो मिठास धेरै बेर टिक्दैन। किनभने चिसो मिठाई चाँडै पग्लिन्छ र हातभरि बग्न थाल्छ। तर अब वैज्ञानिकहरूले यस्तो आइसक्रिम बनाएका छन् जुन तातो मौसममा पनि पग्लिँदैन।
जापानको कानाजावा आइसले यस्ताे चमत्कारी आइसक्रिमबनाएकाे हाे। केही वर्षअघि जापानी कम्पनी कानाजावा आइसले यस्तो आइसक्रिम बनायो जुन तातो हावामा पनि पग्लिएन। यसको रहस्य थियो पॉलीफेनोल नामक अणु, जुन फलफूलमा पाइने शक्तिशाली एन्टिअक्सिडेन्ट हो। वैज्ञानिकहरूले आइसक्रिममा पॉलीफेनोल मिसाएर त्यसलाई स्थिर बनाएका थिए।
पॉलीफेनोलले क्रिममा रहेका प्रोटिनहरूसँग प्रतिक्रिया गर्छ। यसले फ्याट ग्लोब्युलहरूलाई एकअर्कासँग मिसिन नदिने जालो बनाउँछ। परिणामस्वरूप, आइसक्रिम पग्लिए पनि बग्दैन—बरु जेलजस्तो गाढा बनिन्छ।
अमेरिकाको प्रयोगशालामा थप परीक्षण
अमेरिकाको University of Wisconsin मा अध्ययनरत वैज्ञानिक क्यामरन विक्सले ट्यानिक एसिड (एक प्रकारको पॉलीफेनोल) को विभिन्न मात्रा मिसाएर परीक्षण गरिन्। ३ प्रतिशत ट्यानिक एसिड मिसाएको मिश्रण त चक्कुले काट्न सकिने जस्तो गाढा बनेकाे
बताइएकाे छ।
भविष्यमा यस्तो आइसक्रिम बजारमा आउला त?
हाललाई यो प्रविधि प्रयोगशालामा सीमित छ, तर भविष्यमा लामो यात्रा वा गर्मीमा पनि टिक्ने आइसक्रिम बजारमा देख्न सकिने सम्भावना छ। यद्यपि, यस्तो आइसक्रिमले परम्परागत स्वाद र बनावटलाई परिवर्तन गर्न सक्छ।
