काठमाडौं । नेपाल राष्ट्र बैंकले दैनिक सुन आयातको परिमाण कोटा बढाएको छ । केन्द्रीय बैंकले २० किलो दैनिक आयात गर्न मिल्ने सुनको परिमाणलाई २५ किलो पुर्याएको हो ।
यससँगै वाणिज्य बैंकहरुले २५ किलो आयात गर्नेछन् । बैंकहरूले आयात गरेको सुन व्यवसायीहरूले खरिद गरेर सर्वसाधारणमा गहनाको रुपमा बिक्री वितरण गर्छन्।
विश्व बजारमा सुनको माग बढेसँगै केन्द्रीय बैंकले आयात परिमाण बढाएको हो । पछिल्लो समय सुनको भाउले नयाँ रेकर्ड राख्दै जाँदा लगानीकर्ता सुन तर्फ आकर्षित भएसँगै सुनको माग बढेको छ।
