नेपालका लागि केन्याका अवैतनिक वाणिज्यदूत चन्द्र टण्डन नेतृत्वको प्रतिनिधिमण्डललाई केन्या संसदको राष्ट्रिय सभामा विशेष स्वागत गरिएको छ ।
सो क्रममा राष्ट्रिय सभा सभापतिले टोलीलाई सम्मानपूर्वक अभिवादन गर्दै नेपाल–केन्या द्विपक्षीय सम्बन्धलाई अझ मजबुत बनाउने विश्वास व्यक्त गरिन ।
यो सम्मानले सन् २०२५ जुनमा—केन्याका उच्च अधिकारीहरुको उपस्थितिमा—औपचारिक रूपमा उद्घाटन गरिएको कन्सुलेट कार्यालयको प्रोफाइल अझै उचो बनाएको छ । संसदबाट आएको सार्वजनिक प्रशंसाले नेपाल–केन्या हितका लागि कन्सुलको भूमिकालाई पूर्ण रूपमा उपयोग गर्न प्रतिबद्ध रहेको बताइएको छ ।
‘नेपालको व्यापार क्षेत्रसँग गहिरो सम्बन्ध राख्ने चन्द्र टण्डनको केन्या संसदबाट प्राप्त यस्तो उच्चस्तरीय मान्यताले उहाँको कामलाई मात्र मान्यता दिएको छैन, यसले नेपाल–केन्या सम्बन्धलाई द्विपक्षीय सहकार्य र आपसी विकासका आधारमा अझ मजबूत बनाएको छ,’ विज्ञप्तिमा भनिएको छ ।
सो अवसरमा टण्डनले केन्याका उत्पादनहरूका लागि नयाँ बजार मार्ग खोल्न महत्वपूर्ण पहल गरेका छन्, जसले पूर्वी अफ्रिकी सामान र नेपाली उपभोक्ता बजारबीच सीधा पुल निर्माण गरेको बताए ।
नेपालको रेमिट्यान्स क्षेत्रमा अग्रणी व्यक्तित्व भएकाले उनले नेपालमा रहेका साना तर बढ्दो केन्याली समुदायलाई प्रभावकारी कन्सुलर सेवा उपलब्ध गराउँदै सम्बन्ध बलियो बनाउन भूमिका खेलिरहेका उनको भनाइ थियो ।
नैरोबी र काठमाडौंबीच बढ्दो कूटनीतिक सक्रियता नयाँ उचाइमा पुगेको छ, जसअन्तर्गत केन्या गणराज्यको संसदले नेपालका लागि केन्याका अवैतनिक वाणिज्यदूत चन्द्र टण्डनको उल्लेखनीय योगदानलाई औपचारिक रूपमा प्रशंसा गरेको खबर स्थानीय सञ्चारमाध्यमहरुले प्रकाशित गरेका छन् ।
