काठमाडौं १९ कात्तिक । नेपाली बजारमा मंगलवार सुन चाँदीको भाउमा गिरावट आएको छ ।
अघिल्लो दिनको तुलनामा मंगलवार छापावाल सुन प्रतितोला २ सय घटेको छ । आज छापावाल सुन ७० हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
सोमवार छापावाल सुन प्रतितोला ७१ हजार रुपैयाँमा कारोबार भएको थियो । मंगलवार तेजावी सुन प्रतितोला ७० हजार ५ सय रुपैयाँमा कारोबार भइरहेको महासंघले जनाएको छ ।
महासंघका अनुसार, मंगलवार चाँदी ८ सय ६५ रुपैयाँमा कारोबार भइरहेको छ । सोमवार चाँदी प्रतितोला ८ सय ७० रुपैयाँमा कारोबार भएको थियो ।
