काठमाडौं, २१ कात्तिक । प्रहरीले जेलमा निःशुल्क खान, बस्न पाइन्छ भन्दै चोरी गर्दै गरेका एक जनालाई पक्राउ गरेको छ ।
रुकुम पश्चिम जिल्लाको मुसीकोट नगरपालिका २ रातामाटाका राजु परियारलाई प्रहरीले पक्राउ गरेको हो ।
उनीलाई मुसीकोट नगरपालीका १ खलंगा स्थित एक मोबाइल पसलमा चोरी गरेको आरोपमा प्रहरीले पक्राउ गरेको हो ।
गत कात्तिक १६ गते राति १२ बजे मोबाईल पसलमा चोरी गरेका परियारको साथबाट ३ तीन थान मोबाइल, ३ थान मोबाइलको ब्याट्री र चार हजार तीन सय ८० रुपैयाँ नगद बरामद गरिएको प्रहरीले बताएको छ ।
अघि पनि चोरीको मुद्दामा कैद सजाय पाएका परियारले जेलमा निःशुल्क खाना र बस्न पाइने भएले पुनः चोरी गरेको बताएका छन् ।
