काठमाडौं, ७ चैत । हिमाल आरोहणमा जादाँ पर्वतारोहीले लैजाने अक्सिजन सिलिण्डर सम्बन्धमा सरकारले नयाँ मापदण्ड तोकेको छ ।
उक्त मापदण्ड यसै सिजनबाट लागु हुने पर्यटन विभागले जानकारी दिएको छ । मापदण्ड लागु भए नभएकोबारे विभागले टोली खटाएर अनुगमन समेत गर्ने स्पष्ट पारेको छ ।
यस्तो छ मापदण्ड
- पर्वतारोहणका क्रममा पप्रयोग गरिने अक्सिजन सिलिण्डर युरोपेली र अमेरिकी मापदण्ड बमोजिमको हुनुपर्ने
- पर्वतारोहणका क्रममा प्रयोग गरिने अक्सिजन सिलिण्डर १० वर्षभन्दा पुरानो हुन नहुने
- प्रयोग गरिएको प्रत्येक सिलिण्डर हरेक २ वर्षमा मर्मत गरिएको हुनुपर्ने
- प्रयोगका लागि तयार अक्सिजन सिलिण्डरले कम्तिमा १० घण्टासम्म पुग्नु पर्ने
- सिलिण्डरमा भरिने वा भएको अक्सिजन सुख्खा हुनुपर्ने
- मिति नाघिसकेको अक्सिजन प्रयोग भएको पाइएमा कारवाही हुने हुँदा नयाँ सिलिण्डरले पुराना तथा म्याद गुज्रेका सिलिण्डर प्रतिस्थापन गर्नुपर्ने
- प्रचलिन मूल्यभन्दा बढी मूल्यमा अक्सिजन बिक्रीवितरण गरेको गुनासो भएमा वा अनुगमनबाट देखिएमा कारवाही हुने
