काठमाडौं, २३ मंसिर । उत्यकाको तापक्रम सोमबार यो बर्षकै कम मापन गरिएको छ ।
सोमबार बिहान काठमाडौंको तापक्रम ४ दशमलव ४ डिग्रि सेल्सियसमा झरेको मौसम पूर्वानुमान महाशाखाले जनाएको छ ।
यो अहिलेसम्मकै कम भएको महाशाखाले जनाएको छ । बुधवारसम्म चिसो झनै बढ्ने महाशाखाले जनाएको छ।
उपत्यका र तराईमा हुस्सुका कारण चिसो बढिरहेको हो। पश्चिमी वायुको प्रभाव बढ्दा हिमाली क्षेत्रमा बर्षा र हिमपात हुने सम्भावना छ।
कस्तो रहन्छ आगामी तीन दिनको मौसम
सोमबार
दिउँसो: देशको मध्य र पूर्वी पहाडी भू-भागमा आंशिक बदलि रही बाँकी भूभागमा मौसम सामान्यतया सफा रहनेछ ।
राती: देशको पहाडी भू-भागमा आंशिक बदलि रही बाँकी भूभागमा मौसम सामान्यतया सफा रहनेछ ।
मंगलबार
दिउँसो: देशको मध्य र पूर्वी पहाडी भू-भागमा आंशिक देखि सामान्य बदलि रही बाँकी भूभागमा मौसम सामान्यतया सफा रहनेछ ।
राती: देशको पहाडी भू-भागमा आंशिक देखि सामान्य बदलि रही बाँकी भूभागमा आंशिक बदलि रहनेछ ।
बुधबार
दिउँसो: देशको पश्चिमि भु-भाग लगायत मध्य र पूर्वी पहाडी भू-भागमा आंशिक देखि सामान्य बदलि रही उच्च पहाडि तथा हिमालि भु-भागका थोरै स्थानहरुमा हल्का हिमपात हुने तथा बाँकी भूभागमा मौसम आंशिक बदलि रहनेछ।
राती: देशको पश्चिमि भु-भाग लगायत मध्य र पूर्वि पहाडी भू-भागमा सामान्य बदलि रही थोरै स्थानहरिमा हल्का देखि मध्ययम हिमपात हुने तथा बाँकी भूभागमा आंशिक बदलि रहनेछ ।
