काठमाडौं, ८ माघ । वर्षा तथा हिमपात गराउने पश्चिमी न्यून चापीय प्रणाली नेपालबाट बाहिरिएको छ।
मौसम पुर्वानुमान महाशाखाले जनाए अनुसार मंगलबार राति न्यून चापीय प्रणाली बाहिरिएसँगै बुधबारदेखि देशभरिकै मौसम सफा हुनेछ ।
मौसमविदको अनुसार अबको तीन दिन कतै पनि पानी र हिउँ पर्ने सम्भावना रहेको छैन । तर तराईमा हुस्सु र कुहिरो लागेर राम्रोसँग घाम नलाग्दा चिसो बढ्दै जानेछ ।
बुधबार बिहान १ दशमलव ६ डिग्री सेल्सियस मापन गरिएको काठमाडौंको तापक्रम दिउँसो १६ देखि १८ डिग्री सेल्सियससम्म पुग्ने महाशाखाले जनाएको छ ।
आगामी तीन दिनको मौसम पूर्वानुमान
माघ ८ गते (बुधबार)
दिउँसो : मौसम सामान्यतया सफा रहनेछ। तराईका भू-भागमा हुस्सु/कुहिरो रहनेछ।
रातीः मौसम सामान्यतया सफा रहनेछ। तराईका भू-भागमा हुस्सु/कुहिरो रहनेछ।
माघ ९ गते (बिहिबार)
दिउँसो : मौसम सामान्यतया सफा रहनेछ।मध्य तथा पुर्वी तराईका भू-भागमा हुस्सु/कुहिरो रहनेछ।
रातीः देशको पुर्वी पहाडी भूभागमा आंसिक देखि सामान्य बदली रहनेछ बाँकि स्थानमा मौसम सामान्यतया सफा रहनेछ ।
माघ १० गते (शुक्रबार)
दिउँसो : देशभर मौसम सामान्यतया सफा रही केही स्थानमा आंशिक बदली रहनेछ ।
रातीः देशभर मौसम सामान्यतया सफा रही केही स्थानमा आंशिक बदली रहनेछ ।
