काठमाडौं, २४ माघ । हिन्दू धर्मावलम्बी तथा शिवभक्तले विशेष धुमधामका साथ मनाउने महाशिवरात्री पर्वमा विशेष पासको व्यवस्था नहुने भएको छ ।
शुक्रबार पशुपति क्षेत्र विकास कोषको कार्यालयमा आयोजित पत्रकार सम्मेलनमा बोल्दै मन्त्री संस्कृति पर्यटन तथा नागरिक उड्यनमन्त्री योगेश भट्टराईले महाशिवरात्रीमा कुनै पनि पासको ब्यबस्थापन नगरिएको बताए ।
उनले भने, ‘कुनै पनि पासको व्यवस्था गरिएको छैन, सबै भक्तजनहरुले लाईनमा बसेर भगवानको दर्शन गर्न पाउने छ्न् ।’
भ्रमण वर्षलाई ध्यान दिँदै छिमेकी मुलुक भारतबाट आउने दर्शनार्थीहरुको व्यवस्थापनमा पशुपति क्षेत्रमा सुरक्षा व्यवस्था चुस्त बनाउने तयारी भैरहेको जानाकारी भट्टराईले गराए ।
भट्टराईले महाशिवरात्रीका लागि तयारी अवस्थामा रहन सुरक्षाकर्मीहरुलाई निर्देशन समेत दिएका छन् ।
महाशिवरात्रीका दिन राष्ट्रपति विद्यादेवी भण्डारी लगायत विशिष्ठ व्यक्तित्वहरुको समेत आगमन हुने बताउँदै त्यसका लागि चुस्त सुरक्षा प्रबन्ध मिलाइने मन्त्री भट्टराई भनाई छ ।
त्यसदिन पशुपति क्षेत्र वरिपरि ५ हजार सुरक्षाकर्मीहरु परिचालन हुने बताउँदै कुनै पनि नशालुजन्य पदार्थ सेबन वा बिक्री वितरणमा रोक लगाउने समेत मन्त्री भट्टराइले जानकारी दिए ।
