काठमाडौं, २८ माघ । मंगलबार सुनको भाउ घटेको छ ।
सोमबार स्थिर रहेको सुन आज तोलामा १ सय रुपैयाँ घटेर तोलाको ७५ हजार नौ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
सोमबार र गएको आइतबार तोलाको ७६ हजार रुपैयाँमा कारोबार भएको थियो ।
तेजावी सुन प्रतितोला ७५ हजार ६ सय रुपैयाँमा कारोबार भईरहेको छ ।
सुनको भाउ घटेपनि चाँदीको भाउ भने स्थिर रहेको छ । आज चाँदी प्रतितोला ८ सय ८० रुपैयाँमा कारोबार भइरहेको छ।
