काठमाडौं । मोटरसाइकल निर्माता कम्पनी एमबी अगस्टाको ‘बी४ सेरी ओआरओ’ नेपालमा भित्रिएको छ ।
नेपालको लागि एमबी अगस्टाको आधिकारीक वितरक भेलोसिटीले यो मोटरसाइकल बजारमा ल्याएको हो ।
कम्पनीका अनुसार यो मोटरसाइकलको मूल्य नेपाली बजारमा १ करोड ४१ लाख ९० हजार पर्छ ।
यस्तो छ विशेषताः
कम्पनीका अनुसार यस मोटरसाइकलमा ९९८ सीसी क्षमताको फोर सिलिण्डर, लिक्विड र आयल कुल्ड, ४ स्टोक, १६ भल्व डिओएचसी इन्जिन दिएको छ ।
उक्त इन्जिनले अधिकतम १३ हजार ६०० आरपीएममा २१२ बीएच पावर र ९३०० आरपीएममा ११५ एनएम टर्क प्रदान गर्ने कम्पनीको दाबी छ ।
कम्पनीका अनुसार यो मोटरसाइकलको स्पीड क्षेमता ३०२ किलोमिटर प्रतिघण्टा सम्म रहेको छ ।
