काठमाडौं, ४ चैत । भारतको ताज महल बन्द भएको छ । कोरोनाको त्रास बढेपछि भारतको संस्कृति मन्त्रालयले संक्रमण रोक्न ताज महल बन्द गर्ने निर्णय गरेको हो ।
ताजमलहको अनुगमनका लागि दैनिक आउने हजारौं मानिसबाट कोरोनाको संक्रमण फैलिने खतरा बढेपछि यस्तो निर्णय लिएको मन्त्रालयले जनाएको छ ।
प्रेमको प्रतिकको रुपमा रहेको भारतको प्रख्यात पर्यटकीय गन्तव्य ताज महलसँगै भारतका अरु ठूला संग्राहलय तथा पर्यटकीय केन्द्रहरु बन्द गरिएका छन् ।
भारतमा अहिलेसम्म कम्तिमा १२५ जनामा कोरोनाको संक्रमण पुष्टि भएको छ । कोरोना भाइरसको संक्रमणका कारण हालसम्म तीन जनाको मृत्यु भइसकेको छ ।
