काठमाडौं, २९ चैत । अमेरिकामा कोरोना भाइरस संक्रमित हुनेको संख्या पाँच लाख नाघेको छ ।
जोन्स हप्किन्स युनिभर्सिटीका अनुसार शुक्रबार मात्र अमेरिकामा ३५ हजार पाँच सयभन्दा धेरै नयाँ संक्रमित फेला परेका थिए भने दुई हजार ७४ जना मानिसको भाइरसको कारण मृत्यु भएको थियो ।
साथै यसबाट समग्र मृत्यु हुने मानिसको संख्या पनि १८ हजार सात सय ६९ पुगेको छ ।
कोरोना भाइरसबाट एकैदिनमा मृत्यु हुनेको यो संख्या अमेरिकामा अहिलेसम्मकै उच्च हो ।
