काठमाडौं, २४ बैशाख । कामना सेवा विकास बैंकले बीमा सुविधा सहितको कोरोना सुरक्षा बचत खाता सञ्चालनमा ल्याएको छ ।
कोरोनाभाइरस महामारीको समयमा आफ्ना ग्राहकलाई सहयोग गर्ने उद्देश्यले यस्तो सुविधा ल्याइएको बैंकले बताएको छ ।
नेको इन्स्योरेन्स लिमिटेडसँगको सहकार्यमा खोलिने यो खाताको न्यूनतम मौज्दात रकम रु. ५ हजार रहनेछ । यो खाता खालेका ग्राहकलाई कोरोना संक्रमण भएको कुरा पीसीआर परीक्षणद्वारा पुष्टि भएमा रु ५० हजारको बीमा रकम दिइनेछ ।
कामना सेवाको वेबसाईटमा गई अनलाईनबाट पनि यो खाता सजिलै खोल्न सकिने उसले बताएको छ ।
