काठमाडौं, २६ जेठ । भारतमा कोरोना संक्रमितको संख्या २ लाख ५७ हजार ३ सय ३४ पुगेको छ । आइतवार एकै दिन १० हजार ७ सय नयाँ संक्रमित थपिएपछि उक्त संख्या पुगेको हो ।
भारतमा संक्रमितको संख्या १ बाट १० हजार पुग्न ७४ दिन लागेको त्यसपछि तीव्र रुपमा बढेको छ । अहिलेसम्म ७ हजार २ सय १ जनाले ज्यान गुमाएका छन् । आइतवार २ सय ६२ जना संक्रमितले ज्यान गुमाएका थिए ।
कोरोनाको संक्रमित बढ्दे गएपछि आजदेखि लकडाउन खुकुलो गराउँदै मल, पसल र सार्वजनिक स्थान खुला भएको छ ।
