काठमाडौं, १६ असार । लकडाउनको तीन महिनाको अवधिमा जीवन बीमा कम्पनीहरुले ८ अर्ब ६१ करोड बीमा बीमा शुल्क आर्जन गरेका छन् ।
बीमा समितिको तथ्यांक अनुसार चैत, बैशाख र जेठ गरी तीन महिनामा सो बराबरको बीमा शुल्क आर्जन गरेका हुन् ।
जीवन बीमा व्यवसाय गर्दै आएका बीमा कम्पनीहरुले विभिन्न आ-आफ्ना भिन्नै खालका बीमा योजनाहरु बिक्री गर्दै आईरहेका छन् ।
लकडाउनमा सबैभन्दा बढि बीमा शुल्क आर्जन गर्नेमा नेपाल लाइफ इन्स्योरेन्स रहेको छ ।
नेपाल लाइफले तीन महिनाको अवधिमा करिब ३ अर्ब रुपैयाँ बराबरको कुल बीमाशुल्क आर्जन गरेको छ।
चैतमा ६५ करोड, बैशाखमा ५० करोड संकलन गरेको थियो । जेठमा १ अर्ब ७२ करोड गरी कुल २ अर्ब ८७ करोड रुपैयाँ बीमाशुल्क आर्जन गरेको छ।
त्यस्तै नेशनल लाइफ इन्स्योरेन्सले चैतमा २२ करोड, बैशाखमा १० करोड र जेठमा ३४ करोड गरी कुल ७६ करोड रुपैयाँ बराबरको बीमाशुल्क कमाएको छ।
ज्योति लाइफले तीन महिनाको अवधिका ३० करोड, युनियन लाइफले ५३ करोड, एशियन लाइफले ५१ करोड आर्जन गरेको छ ।
त्यस्तै यस अवघिमा सबैभन्दा कम बीमाशुल्क आर्जन गर्नेमा सन नेपाल लाइफ, प्रभु लाइफ र महालक्ष्मी लाइफ रहेका छन्। तीनवटै कम्पनीले ८ करोड रुपैयाँ बीमाशुल्क आर्जन गरेका छन्।
