काठमडौं, २२ असार । नेपाल राष्ट्र बैंकले सोमबार देखि ५० रुपैयाँको नयाँ नोट चलनचल्तीमा ल्याउन लागेको छ ।
नक्कली नोटको प्रयोगबाट सर्वसाधारण जोगिउन् भन्ने उद्देश्यले बैंकले नयाँ नोटको विशेषताहरु सार्वजनिक गरेको छ । न
नोटमा बायाँतर्फ सगरमाथाको चित्र, दायाँतर्फ लालीगुराँसको पानी छाप तथा नोटमा गभर्नरको दस्तखत रहेको ठाउँमा तत्कालीन गभर्नर डाक्टर चिरञ्जीवी नेपालको हस्ताक्षर रहेको छ ।
केन्द्रीय बैंकका अनुसार नोटमा साविककै आकार, प्रकार तथा रंगमा सङ्केत नम्बर ज/८९०००००१ देखि ट/३३९९९९९९ सम्म ‘नेपाल सरकारको जमानत प्राप्त यसको भुक्तानी माग्न आएमा नेपाल राष्ट्र बैंकबाट रुपैयाँ ५० पाइनेछ’ भन्ने व्यहोरा उल्लेख छ ।
नोटको मध्यभागमा नेपाल राष्ट्र बैंक अङ्ग्रेजी रोमनमा लेखिएको छ । नोटको मध्यभागमा हिउँ चितुवाको चित्र रहेको छ ।
नोटको अग्रभागमा
१.नोटको बायाँतर्फ सगरमाथाको चित्र रहेको ।
२.नोटको दायाँतर्फ लालीगुँरासको पानी छाप रहेको ।
३.नोटमो गभर्नरनको दस्तखत रहने स्थानमा तत्कालीन गभर्नर डा. चिरञ्जिवी नेपालको दस्तखत रहेको ।
४.नोटको तल्लो भागको बोर्डरमा नोटको सेरिज नम्बर नेपालीमा वि.सं. २०७५ लेखिएको ।
नोटको पृष्ठ भागमा
१.नोटको मध्यभागमा अंग्रेजीमा NEPAL RASTRA BANK लेखिएको ।
२.नोटको मध्यभागमा हिउँ चितुवाको चित्र रहेको ।
३.नोटको तल्लो भागको बोर्डरमा अंग्रेजी RUPEES FIFTY लेखिएको ।
४. नोटको तल्लो भागको बोर्डरमा नोटको सेरिज नम्बर अंग्रेजीमा 2019 A.D.लेखिएको ।
