काठमाडौं । कोरोना भाइरसको संक्रमणबाट जोगिनका लागि भल्ब भएको एन-९५ (एन–नाइन्टी फाइभ) मास्क प्रयोग गर्नु उत्तम नहुने तथ्य सार्वजनिक भएको छ ।
संक्रमणबाट जोगिनका लागि तीन लेयर भएको मास्क प्रयोग गर्नु उत्तम रहेको बताइँदै आएको बेला भारतका केन्द्रीय स्वास्थ्यमन्त्री हर्षवर्द्धनले भल्ब भएको एन-९५ मास्कले कोरोना भाइरसको संक्रमण रोक्न नसक्ने बताएका हुन् ।
ट्विट गर्दै उनले भनेका छन्, ‘छिद्रयुक्त श्वास यन्त्र राखिएको एन–९५ मास्क कोरोना प्रसार रोक्न अपनाइने नियमविपरीत छ। सबैलाई कपडाले बनेको तीन तहयुक्त मास्क लगाउन र अरूलाई पनि यसैमा प्रोत्साहन गर्न आग्रह छ।’
उनले घरमै बनाइएको मुख छोप्न मिल्ने तीन पत्र भएको मास्क प्रयोग गर्न पनि सुझाएका छन् । यसअघि गत अप्रिलमा घरबाहिर निस्किँदा अनिवार्य मास्क लगाउनुपर्ने निर्देशिका जारी गरिएको थियो ।
वाल्व लगे #N95 #Mask #COVID19 के प्रसार को रोकने में सक्षम नहीं !
छिद्रयुक्त श्वसन यंत्र लगा N-95 मास्क कोरोना वायरस के प्रसार को रोकने के लिए अपनाए गए नियमों के विपरीत है।सभी से आग्रह है कि कपड़े से बने Triple layer mask का इस्तेमाल करें व अन्य को इसके प्रति प्रोत्साहित भी करें। pic.twitter.com/1PpBbxeLLB— Dr Harsh Vardhan (@drharshvardhan) July 21, 2020
