काठमाडौं, १६ साउन । नेपाली बजारमा सुनको मूल्यले नयाँ कीर्तिमानी कायम गरेको छ ।
पछिल्लो सातादेखि बढिरहेको सुनको भाउ शुक्रबार तोलाको तीन सय बढेको छ । शुक्रबार सुन ९९ हजार तीन सय पुगेर नयाँ रेकर्ड कायम गरेको छ।
तेजावी ९८ हजार ८ सय ६५ रुपैयाँ पुगेको छ । बिहीबार छापावाल सुन प्रतितोला ९९ हजार, तेजाबी ९८ हजार ५ सय ६० तथा चाँदीको भाउ प्रतितोला १ हजार २ सय २५ रुपैयाँ थियो ।
त्यसैगरी चाँदीको मूल्य प्रतितोला १२ सय रुपैयाँमा पुगेको छ। बिहीबार १२ सय २५ रुपैयाँमा कारोबार भएको चाँदी आज २५ रुपैयाँले घटेको हो।
