काठमाडौं, २१ साउन । लगानी बोर्ड नेपालका नवनियुक्त प्रमुख कार्यकारी अधिकृत सुशील भट्टले बुधबार पदबहाली गरेका छन् ।
बुधबार कार्यालयमा आयोजित एक कार्यक्रमका बीच पदबहाली गरेका हुन्।
सोमबारको मन्त्रीपरिषद् बैठकले भट्टलाई चार वर्षका लागि लगानी बोर्डको सिइओमा नियुक्त गरेको थियो ।
कार्यभार सम्हालेपछि उनले कार्यालयका रोकिएका गतिविधि अघि बढाउने सुरूवाती योजना रहेको बताए ।
निर्माणका चरणमा गइसकेका परियोजनालाई सहजीकरण बोर्डले गरिदिने हो, बोर्डको काम पनि त त्यही हो ।
कार्यालयको कार्यप्रगति के कति छ बुभ्नुपर्ने हुन्छ उनले भने । साथै संस्थागत अपडेट लिएर संस्थागत धारणा बनाउने प्रतिवद्धता जनाए ।
