काठमाडौं, २३ बैशाख । एनआईसी एशिया बैंकले काठमाडौंको गोंगबुमा नयाँ शाखा सञ्चालनमा ल्याएको छ।
काठमाडौं महानगरपालिका वडा नं २६ का वडा अध्यक्ष ख्याम राज तिवारीले गोंगबुस्थित गोंगबु शाखाको आइतबार शाखाको उद्घाटन गरे ।
उक्त शाखा सञ्चालनसँगै अब बैंकको शाखा २८२ पुगेको छ ।
बैंकले २८९ एटिएम, ४० वटा एक्सटेन्सन काउण्टर एवं २५ वटा शाखा रहित बैंकिङ्ग ईकाई मार्फत बैंकिङ्ग सेवाप्रदान गर्दै आएको छ ।
यससँगै मुलुककै सबैभन्दा ठूलो शाखा सञ्जालभएको बैंक हुन सफल भएको बैंकले बताएको छ ।
