काठमाडौं, २९ भदौं । सेयर बजारमा सामान्य सुधार आएको छ ।
पछिल्ला दिनदेखि लगातार दोहोरो अंकले बढिरहेको नेपाल स्टक एक्सचेञ्ज नेप्से परिसूचक सोमबार सामान्य अंकले बढेको हो ।
सोमबार नेप्से परिसूचक ३.२६ अंकले बढेर १५४०.५१ विन्दुमा कायम भएको हो । यसदिन १९० कम्पनीको ८६ लाख ३१ हजार ७ सय ४१ कित्ता सेयर किनबेच भएको छ ।
३ अर्ब १३ करोड ४१ लाख ३५ हजार ९ सय ८ रुपैयाँ बराबरको कारोबार भएको छ । कारोबारमा आएका १२ वटा समूहमध्ये ५ समूहको परिसूचक उकालो लागेको छ भने ७ समूहको परिसूचक ओरालो लागेका छन् ।
