काठमाडौं, २५ असोज । सेयर बजारमा दोहोरो अंकको गिरावट आएको छ । साताको पहिलोदिन नेप्से आज १३.३७ अंकले घटेर १५७६.२७ विन्दुमा आइपुगेको छ ।
यसदिन १९३ कम्पनीको २ अर्ब ३९ करोड ५४ लाख ३२ हजार ५९८ रुपैयाँ बराबरको कारोबार भएको छ । ९२ लाख ८१ हजार ४७८ कित्ता सेयर किनबेच भएका छन् ।
कारोबारमा आएका १२ वटा समूहमध्ये वित्त समूह बाहेक अन्य सबै समूहको परिसूचक ओरालो लागेका छन् । आज फाइनान्स समूहको परिसूचक १७.५० अंकले बढेको छ भने निर्जीवन बीमा समूहको परिसूचक सबैभन्दा धेरै ८६.३७ अंकले घटेको छ ।
