काठमाडौं । पोखराका २० सहित गण्डकीमा थप २५ जनामा कोरोना पुष्टि भएको छ ।
स्वास्थ्य निर्देशनालय पोखराले बुधबार सार्वजनिक गरेको अद्यावधिक तेस्रो विज्ञप्ति अनुसार कास्कीको पोखरा सहित स्याङ्गजा र तनहुँका थप २५ जनामा कोरोना संक्रमण पुष्टि भएको हो ।
लाईफ केयर एण्ड डाईग्नोष्टिकमा गरिएको परीक्षणमा पोखरा महानगरपालिका वडा नं ३, ४, ६, ८, ९, १२, १५,१७ र २७ का विभिन्न उमेर समुहका महिला पुरुष गरी २० जनामा संक्रमण देखिएको छ ।
यस्तै तनहुँको शुक्लागण्डकी – ४ र ब्यास नगरपालिका – ६ का ३ जनाको परीक्षण रिपोर्ट पोजेटिभ आएको निर्देशनालयको विज्ञप्तिमा उल्लेख छ।
यस्तै, स्याङ्गजा जिल्ला सदरमुकाम पुतलीबजार नगरपालिका २ र ८ का दुई पुरुषको पनि परीक्षण रिपोर्ट पोजेटिभ आएको विज्ञप्तिमा उल्लेख छ ।
यो संगै, गण्डकीमा कोरोना संक्रमितको कूल संख्या १० हजार ५ सय ३७ पुगेको छ ।
