काठमाडौं । सन् २०२० को विदाईसँगै सन् २०२१ को स्वागतको लागि संसार यतिबेला कोरोना त्रासकैबीच पनि उल्लासमा देखिएको छ ।
नयाँवर्षको स्वागतको लागि आतासबाजीसँगै संगितमा रम्दै मिठामिठा परिकार खादै शुभकामनाकासहित खुशी साटासाटमा मग्न हुने गरेका छन् । मूलतः विदेशीका लागि महत्व राख्ने यो नयाँ बर्षको उमंगले नेपाल र नेपालीलाई समेत अछुतो राखेको छैन ।
कोेरोना त्रासको बीच घुम्नको लागि टाढा जान असम्भव भए काठमाडौं नजिकैका गन्तव्यहरु पनि छनोटमा पार्न सकिन्छ । आकारमा सानो र आर्थिक हिसाबले गरीब भनिए तापनि नेपाल प्राकृतिक सुन्दरताका हिसाबले विश्वकै धनी मुलुकमध्येमा पर्छ ।
त्यसैले यहाँ घुम्नका लागि उपयुक्त धेरै गन्तव्यहरु छन् । यी हुन् राजधानीमा रमाईलो गर्ने ठाँउहरु । यीनै गन्तव्यहरु मध्ये केही गन्तव्यका बारेमा जानकारी लिनुहोस् ।
चन्द्रागिरि
शहरबाट नजिक सुविधा सम्पन्न गन्तब्य हो, चन्द्रागिरि । कम्तिमा एक दिनको घुमघामलाई अविष्मरणीय बनाउन यो गन्तब्य उपयुक्त हुन सक्छ । समुन्द्री सतहबाट २५५१ मिटर अग्लो यो चुचुरो पुग्दा काठमाडौं उपत्यकाको धुलो धुवा र प्रदुषणबाट मुक्ति मिल्छ । यहाँसम्म पुग्न चन्द्रागिरि हिल्स प्रालिले केवलकार संचालनमा ल्याएको छ । थानकोटबाट हिड्दै पनि यो डाँडासम्म पुग्न सकिन्छ ।
ककनी
डेटिङ स्पटको रुपमा चिनिने चर्चित ठाँउ हो नुवाकोट जिल्लामा पर्ने ककनी जसलाई काठमाडौं नजिकैको पर्यटकीय स्थलको रुपमा लिईन्छ ।
ट्राउट माछाको स्वादसँगै मायाँको स्वादमा लिन चाहनेका लागि यो ठाउँ उत्तम हुन सक्छ । ककनी स्टेबरी र ट्राउन माछाले प्रख्यात मानिन्छ ।
काठमाडौंको माछापोखरीबाट बस चढेर २० किलोमिटर यात्रा गरेपछि ककनी पुग्न सकिन्छ । एकै दिनमा फर्केर अउन सकिने यहाँ स–साना उद्यान तथा हरियाली डाँडाहरु छन् ।
बासका लागी पनि सुविधायुक्त होटहरु छन् । हरियाली वातावरण भएको ककनी धेरैको रोजाइमा पर्न सक्ने ‘पर्यटकीय हब’ हो ।
बालाजुपार्क– बालाजु
बाईपासमा रहेको बालाजुपार्क सांस्कृतिक धार्मिक महत्वको क्षेत्र हो। यद्यपी यहाँको पौडी पोखरी, पार्क र २२ धाराले यो स्थानलाई दिन बिताउन सकिने स्थल बनाएको छ।
बालाजु क्षेत्रमा रहेको तपोवन ध्यान, योगका लागि प्रसिद्ध स्थल हो। सिरियस सम्बन्धमा भएका व्यक्तिहरुका लागि यहाँको वातावरणले आकर्षण गर्छ।
त्यसो त यहाँको आध्यात्मिक वातावरणले सम्बन्ध र भावनालाई गम्भिर पनि बनाउँछ। यहाँको पार्क क्षेत्रको शान्त वातावरण गम्भिर कुराकानीका लागि उपयुक्त स्थल पनि हो।
टौदह
काठमाडौंबाट टौदहमा पुगेर रमाउन धेरै समय छुट्टाउनु पर्दैन । काठमाडौंबाट नजिकै रहेको यो स्थानअत्यन्तै रमणीय छ । धेरै प्रेम जोडीहरु र कलेजका विद्यार्थीहरुको रोजाइमा पर्ने टौदह कीर्तिपुर नगरपालिकामा पर्छ ।
काठमाडौंको पुरानो बसपार्कबाट दक्षिककालीको बस चढेर टौदह पुग्न सकिन्छ । पुरानो बसपार्कबाट सात किलोमिटर मात्र यात्रा गरेपछि पुग्न सकिने टौदह काठमाडौं उपत्यका भित्रको सबैभन्दा ठूलो ताल मानिन्छ ।
पर्यटनका लागि उपयुक्त स्थानका रुपमा टौदहलाई मानिन्छ । यस तालमा नजिकै रहेको चम्पागिरी पहाडको छाया देख्न पाइन्छ ।
सदर चिडियाखाना
जनावर तथा पंक्षीको अवलोकन र परिवारिक घुमघामको लागि ललितपुर जावलाखेलमा रहेको सदर चिडियाखाना रोज्नेहरुको संख्या पनि धेरै छ । शितल र रमणीय स्थल भएकाले धेरै परिवारिक घुमघामको लागि राम्रो मानिन्छ । यहाँ रहेको पोखरी किनार र सँगै रहेका खलकुद स्थानहरुमा भुलिने गर्छन ।
धुलिखेल
धुलिखेल अर्को गन्तब्य हो जहाँ धेरै प्रेमिल जोडीहरु रोमान्समा व्यस्त हुन्छन । यो ठाउँ पर्याप्त पूर्वाधारका साथै मनोरम दृश्यले भरिपूर्ण छ । मोटरसाइकलमा जाने दूरीमा भएकाले यो ठाउँ एसेसिबल छ। दशैमा यो ठाँउ परिवारिक घुमघामको लागि राम्रो मानिन्छ ।
सेतो गुम्बा
काठमाडौंको रामकोट-८ डाँडा गाउँमा रहेको सेतो गुम्बा शान्त वातावरण भएको वाइट गुम्बा जोडीहरुका लागि मन भूल्याउने उपयुक्त स्थान हो । डुक अमिताभा माउण्टेन नामाकरण गरिएको वाइट अर्थात सेतो गुम्बा धेरै प्रेमजोडीहरुले रोज्ने गर्छन ।
यहाँबाट काठमाडौं उपत्यकाको रमणीय दृश्यावलोकन गर्न सकिन्छ । स्वयम्भु वा सितापाइलाबाट डेढ घण्टा हिंडेर गुम्बामा पुग्न सकिन्छ । रमणीय बगैंचा र हरियाली डाँडाहरुमा रमाउन खुबै मजा आउँछ ।
नगरकोट
काठमाडौंबाट करिव ३५ किमीको दुरीमा रहेको यो ठाउँ प्राकृतिक रुपले समेत सुन्दर छ त्यसैले पनि धेरेको रोजाईमा पर्ने गरेको छ नगरकोट । राजधानीको भीडलाई छलेर अनगिन्ती जोडी बाइकमा बत्तिँदै नगरकोट पुग्छन् ।
त्यहाँको प्राकृतिक सौन्दर्यले प्रेममय मनलाई छताछुल्ल बनाइदिन्छ । मनोरम हिम श्रृंखलाले तपाइलाई थप प्रेमभास दिलाउछ ।
सूर्योदय र सूर्यास्तको दृश्यावलोकन गर्न पाउनु त्यहाँका थप आकर्षण हुन्। आसपासका दृश्य हेर्न त्यहाँ भ्यू टावर बनाइएको छ। नगरकोटमा स्तरीय रिसोर्टको कमी छैन भने जलपादेवी, कालीदेवी, महादेव कुण्डजस्ता देवस्थल पनि छन् ।
चोभार
यो ठाँउ परिवारिक घुमघामको लागि राम्रो मानिन्छ । काठमाडौं बल्खुबाट करिब साढे चार किलोमिटर दक्षिण क्षेत्रमा रहेको चोभारबाट काठमाडौं सहरको सुन्दर दृश्य र हिमाल पनि अवलोकन गर्न सकिन्छ ।
जोडीलाई लुकिछिपी माया साटासाट गर्न यहाँ प्रशस्त स्थानहरु छ । चलचित्र तथा म्युजिक भिडियोका छायांकनका लागि प्रख्याती कमाएको यो स्थान सुनसान र एकान्त छ ।
भोटेचौर
‘मिनी इलाम’ को उपनामले चिनिएको काठमाडौंबाट नजिकै रहेको भोटेचौरको चियाबगान धेरै जोडीको रोजाइमा पर्छ । प्राकृतिक सौन्दरयतामा रमाउन मात्र होइन फोटो खिचेर आनन्द लिन भोटेचौरमापरिवारिक घुमघामको लागि राम्रो मानिन्छ ।
चावहिलबाट ३८ किलोमिटर टाढा रहेको सिन्धुपाल्चोकको भोटेचौरमा सुविधायुक्त होटलहरु पनि छन् । साँखुबाट दुई घण्टाको बसयात्रा गरे भोटेचौर पुगिन्छ । साँखुबाट पाँच घण्टा हाइकिङ गर्दै जाँदा भ्यालेन्टनाइ अविस्मरणीय हुन्छ ।
ललितपुरको बज्रवाराही
यो ठाँउ परिवारिक घुमघामको लागि राम्रो मानिन्छ ।
उपत्यकाका चार वाराहीमध्ये बज्रवाराही मन्दिरको बेग्लै महत्व छ । ललितपुरको चापागाउँमा पर्ने यो मन्दिरसम्म पुग्न ललितपुरको लगनखेल तथा जावलाखेलबाट सहजै गाडी पाइन्छ ।
प्राकृतिक रूपले सुन्दर हुनुका साथै ऐतिहासिक स्थलका रूपमा पनि यो मन्दिरको विशेष महत्त्व छ ।
दामन\चित्लाङ
मकवानपुर जिल्लामा पर्ने यी दुई गन्तब्य गर्मी मौसममा गर्मी छल्दै चिसोको आनन्द लिने आकर्षक गन्तब्य हुन् । २३२२ मिटर अग्लो दामनमा बैशाख, जेठमा पनि बिना ज्याकेट बस्न सकिन्न । खासगरी काठमाडौं, हेटौडा र प्रदेश नम्बर दुईका तराईका जिल्लाबाट पनि नजिकको शितल गन्तब्य हो । यी शहरबाट कम्तिमा दुई रात तीन दिनको प्याकेजमा आउने हो भने दामन र चित्लाङको मज्जा उठाउन सकिन्छ । चित्लाङ आकर्षक गाउँ हो । यहाँ होमस्टेको पनि व्यवस्था छ ।
भेडेटार\हिले
प्रदेश नम्बर १ का जिल्लामा थुप्रै आकर्षक पर्यटकीय गन्तब्य छन् । इलाम, धनकुटा, पाँचथर, ताप्लेजुङ जिल्लामा आकर्षक गन्तब्य छन् । त्यसमध्ये पनि धनकुटा बजारबाट करीव १३ किलोमिटर उत्तरमा पर्ने हिलेबाट आकर्षक दृष्यावलोकन गर्न सकिन्छ । उता भेडेटार पूर्वाञ्चलकै रमणीय स्थलका रुपमा परिचित छ । धरानबाट करीव १७ किलोमिटरको यात्रा पनि यहाँ पुगिन्छ । यो सुनसरी र धनकुटाको सिमाना पनि हो । तराईबाट गर्मी छल्ने उपयुक्त स्थानका रुपमा हिले र भेडेटारलाई लिने गरिन्छ ।
पन्चासे डाँडा
पर्वत, कास्की र स्याङ्जा जिल्लाको संगम स्थल हो पन्चासे डाँडा । पोखरा आफैमा चर्चित पर्यटकीय स्थल हो । तर, यहाँबाट पनि पहाड उक्लिएर आकर्षक दृष्यावलोकन गर्न यो गन्तब्य उपयुक्त बन्न सक्छ । गुरुङ समुदायको बाहुल्य रहेको यहाँ होमस्टेको समेत राम्रो व्यवस्था रहेको छ । २५१७ मिटर उचाईमा रहेको यस स्थानमा ताल, बाइसेचौबिसे राजाका दरबारको अवशेष, ऋषिमुनीहरुको कुटीलगायतसंरचना देख्न सकिन्छ । यहाँबाट रमणिय दृष्यावलोकन गर्न सकिन्छ ।
बतासे डाँडा \ तानसेन
भैरहवा तथा बुटवल यतिबेला चर्को गर्मीले उकुसमुकुम छ । यहाँबाट गर्मि छल्न जाने नजिकको गन्तब्य पाल्पा हो । पाल्पा सदरमुकाम तानसेन एक सुन्दर पहाडी शहर हो । यसको सबैभन्दा उच्च भागमा बतासे डाँडा अवस्थित छ । आकर्षक सल्लाघारी छिचोल्दै माथि पुगेपछि त्यहाबाट देखिने पहाडी तथा हिमाली ऋंखलाबाट यस यात्राको भरपुर आनन्द उठाउन सकिन्छ । बुटबलबाट ४१ किलोमिटर यात्रा पछि तानसेन पुगिन्छ । कोरोना त्रासको कारण शहर नजिकैका आकर्षक गन्तब्य घुम्नको लागि सामाजिक दुरी, स्वास्थ्य मापदण्ड अनिर्वाय गरिएको छ ।
