काठमाडौं । आज छापावाल सुनको मूल्य प्रतिलोला ११०० रुपैयाँ बढेको छ ।
सोमवार प्रतितोला ९५ हजार ३०० रुपैयाँमा कारोबार भएको छापावाल सुनको मूल्यमा आज १,१०० रुपैयाँ बढ्दै प्रतितोला ९६ हजार ४०० रुपैयाँ कायम भएको नेपाल सूनचाँदी व्यवसायी महासंघले बताएको छ ।
मंगलवार तेजावी सुनको मूल्य पनि प्रतितोला १,१०० रुपैयाँ नै बढेको छ । आज तेजावी सुनको कारोबार मूल्य ९५ हजार ९०० रुपैयाँ कायम भएको छ ।
मंगलवार चाँदीको मूल्य पनि प्रतितोला १० रुपैयाँ बढ्यो । आज चाँदीको कारोबार मूल्य १३ सय ३५ रुपैयाँ कायम भएको छ ।
