काठमाडौं । नेपाल कम्युनिष्ट पार्टी (नेकपा) ओली पक्षले माघ २३ गते काठमाडौंमा शक्ति प्रदर्शन गर्दैछ । नारायणहिटी संग्राहलय अगाडि हुने शक्ति प्रदर्शनमा २ लाख मानिस प्रदर्शनमा उतार्ने यस अघि नै घोषणा गरि सकेको छ । ‘
अराजकताको अन्त्य, भौगोलिक अखण्डता, संविधानको रक्षा गर्दै विकास र समृद्धि मार्फत राजनीतिक स्थायित्वको लागि ताजा जनादेश’ भन्ने मुल नाराका साथ रत्नपार्कमा जनसभा गर्न लागेको जनाएको छ ।
सभाको तयारीका लागि काठमाडौंका १६ स्थानबाट र्याली निकाल्ने तयारी गरिएको उक्त समुहको र्याली तथा जनसभा व्यवस्थापन समितिले जनाएको छ ।
बागबजार, प्रदर्शनी मार्ग, महेन्द्र शालिक पूर्व, घण्टाघर, नेपाल एयरलाईन्स अगाडि, त्रिपुरेश्वर, गौशला, माईतिघर, पुतलीसडक, लैनचौर, सोह्रखुट्टे नयाँ रोडलगायतका स्थानबाट र्याली निकाल्ने तय भएको छ ।
चारैतिरको र्याली नारायणहिटी संग्राहलय अगाडि टुंगीनेछ । ओली पक्षले संग्राहलय अगाडि सभा गर्ने घोषणा यसअघि नै गरेको थियो ।
