काठमाडौं, ३१ असार । नेपाल बैंक लिमिटेडले पीडित मेलम्ची तथा चामेका बाढीपीडितहरूका लागि साढे ८ लाख रुपैयाँ सहयोग गरेको छ ।
गत असार १ गते आएको अविरल वर्षा तथा बाढीका कारण प्रभावित बनेका पीडितहरूलाई राहतस्वरुप चार लाख ५० हजार रुपैया उक्त नगरपालिकालाई आर्थिक सहयोग उपलब्ध गराउने निर्णय गरेको बैंकले जनाएको छ ।
त्यसैगरी हिमालपारीको दुर्गम जिल्ला मनाङ्गमा गत जेष्ठ १४, ३१ र आषाढ १ गते आएको अबिरल बर्षा तथा मर्स्याङ्दी नदी तथा अन्य सहायक खोलाहरुमा आएको भीषण बाढीका कारणले उक्त जिल्लाको सदरमुकाम रहेको चामे गाउँपालिकाका पीडितहरूका लागि बैंकले ४ लाख रुपैयाँ आर्थिक सहयोग गर्ने निर्णय गरेको जनाएको छ ।
