काठमाडौं, २ साउन। पछिल्लो २४ घण्टामा देशभर १८७५ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६८५८ पीसीआर परीक्षणमा १३१० र ३२०८ जनाको एन्टिजेन परीक्षणमा ५६५ जना गरी १८७५ जनामा संक्रमण पुष्टी भएको हो ।
यो सहित नेपालमा कोरोना संक्रमितको संख्या ६ लाख ६५ हजार ८८६पुगेको छ । पछिल्लो २४ घण्टामा २१६४ जना संक्रमण मुक्त भएका छन् ।
यो सहित संक्रमण मुक्त हुनेको संख्या ६ लाख ३० हजार ४०७ जना पुगेको छ । संक्रिय संक्रमितको संख्या २५ हजार ९५२ रहेको छ ।
पछिल्लो २४ घण्टामा २१ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार ५२७ पुगेको छ ।
