काठमाडौं, ५ साउन । लगातार दुई दिन बढेको सुनको भाउ मंगलबार भने घटेको छ । आज सुनको भाउ तोलामा रु ६ सयले घटेको हो ।
सोमबार प्रतितोला रु ९३ हजार ८ सयमा कारोबार भएको छापावाला सुनको मुल्य मंगलबार तोलामा रु ६ सयले घटेर प्रतितोला रु ९३ हजार २ सयमा कारोबार भईरहेको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मुल्य पनि घटेर प्रतितोला रु ९२ हजार ७ सय कायम भएको छ ।
यता चाँदीको मुल्य पनि प्रतितोला १५ रुपैयाँ घटेर रु १२८० रुपैयाँमा कारोबार भएको महासंघले जनाएको छ ।
