काठमाडौं, २५ साउन । कोरोना संक्रमण बढ्दै गएपछि उपत्यकामा रातिको समयमा सवारीसाधन सञ्चालनमा रोक लगाउने प्रशासनले निर्णय गरेको छ ।
बिहीबारबाट लागू हुने गरी निषेधाज्ञा थप गर्दै प्रशासनले बेलुकी ८ बजेपछि सार्वजनिक तथा निजी सवारीसाधन सञ्चालनमा रोक लगाएको हो ।
काठमाडौंका प्रमुख जिल्ला अधिकारी कालिप्रसाद पराजुलीका अनुसार कोभिड–१९ भाइरसको संक्रमण बढ्दै जाँदा रात्रिकालीन समयमा हुने सवारीसाधनको आवतजावतमा कडाइ गरिएको हो ।
अत्यावश्यक सवारीसाधन चाहिँ जतिसुकै वेला चल्न पाउने व्यवस्था रहेको छ । थपिएको निषेधाज्ञा भदौ ८ गतेसम्म जारी रहनेछ ।
