काठमाडौं, २४ असोज । महिला लघुवित्तको शेयर मूल्यमा पोजेटिभ सर्किट लागेको । आइतबार ११:१५ सम्ममा महिलाको शेयर मूल्य १० प्रतिशत बढेर सर्किट लागेको हो ।
कम्पनीको शेयर मूल्य ४८० रुपैयाँ बढेर ५२८० रुपैयाँमा कारोबार भैरहेको छ । शेयर किन्नेको ओइरो लागेको छ ।
लघुवित्त सञ्चालक समितिको शुक्रबार बसेको बैठकले गत आवको वितरण योग्य मुनाफाबाट सेयरधनीलाई ४५ प्रतिशत बोनस सेयर र कर प्रयोजनसहित ५ प्रतिशत नगद गरी कुल ५० प्रतिशत लाभांश दिने प्रस्ताव गरेको छ ।
लघुवित्तले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
हाल १० करोड चुक्ता पूँजी रहेको लघुवित्तको बोनस वितरणपछि चुक्ता पूँजी १४ करोड ५० लाख रुपैयाँ पुग्नेछ ।
