काठमाडौं । धेरै मानिसहरुले सोच्ने गर्छन कि कुनै प्रतिभा भए मात्र जीवनमा सफलता मिल्छ तर, खासमा यस्तो हुँदैन । जो कोहि मानिस आफूमा भएको प्रतिभाको कारणले मात्रै पनि सफल हुन सक्दैनन् ।
धेरै पटक प्रतिभाशाली मानिसहरुमा आत्मविश्वास बढी भएको कारणले आफ्नो लक्ष्यमा धेरै ध्यान दिदैनन् र कठिन परिश्रम गर्न छोड्दिन्छन् । यस्तो बानीले उनीहरु असफल पनि हुन सक्छन् ।
मानिस जबसम्म उदास वा दुःखी हुन्छन् उनीहरुले आफ्नो जीवनमा परिवर्तन चाहन्छन् । जीवनशैलीमा परिवर्तन गरेर उदासी टाढा गर्न र खुसी हुनको लागि केही विशेष गर्नपर्ने आवश्यकता हुन्छ ।
हुन त एकै दिनमा वा अचानक कसैको पनि जीवनमा परिवर्तन आँउदैन । यसको लागि हामीले विस्तारै विस्तारै धेरै मेहनत गर्नुपर्छ ।
हाम्रो जीवनमा आरोह अवरोह, सुख दु:ख आइरहन्छन् तर, जस्तो सुकै परिस्थितीमा पनि हामी आफ्नो लक्ष्यमा दृढ भएर अगाडी बढ्नुपर्छ ।
मानिसको जीवनमा समयक्रमसँगै विभिन्न परिवर्तनहरु आइरहन्छन् । तर, हाम्रो जीवनशैलीमा अचानक ठूलो परिवर्तन भने आँउदैन ।
हामीले आफैलाई परिवर्तन गरेर आफ्नो जीवनलाई राम्रो र अर्थपूर्ण बनाउने कोसिस गर्नुपर्छ ।
हामीले आफ्ना केही नराम्रा बानीहरु र व्यवहारलाई त्यागेर हामी आफ्नो जीवनमा सँधैको लागि सकरात्मक परिवर्तन गर्न त सक्छौं तर, त्यसको लागि दृढ इच्छाशक्ति हुनुपर्छ ।
तपाइ पनि आफ्नो जीवनलाई खुसीयालीपूर्ण र अर्थपूर्ण बनाउन चाहनुहुन्छ भने केही कुरामा ध्यान दिनुपर्छ । आउनुहोस् जानीराखौं कुन चीजले तपाईंको जीवनमा सँधैको लागि परिवर्तन ल्याइदिन्छ ।
जीवनको महत्व थाहा पाउने
आफ्नो जीवनलाई परिवर्तन गरेर खुसीयालीपूर्ण बनाउनको लागि सबैभन्दा पहिले तपाईंले आफ्नो जीवनको महत्व र मतलब बुझ्नुपर्छ ।
जीवनमा तपाईं के चाहनुहुन्छ र कुन चीजले तपाईंलाई खुसी राख्न सक्छ भन्ने कुरा बुझेपछि मात्रै तपाईंले आफ्नो जीवनको मतलब सही तरिकाले बुझ्न पाउनुहुन्छ । र, त्यसै अनुसार आफ्नो जीवन परिवर्तन गर्न सक्नुहुन्छ ।
लक्ष्य निर्धारित गर्ने
जीवनमा तपाईंलाई के पाउनु छ वा के हासिल गर्नु छ त्यो हिसाबमा आफ्नो लक्ष्य निर्धारित गर्नुहोस् । सँधै आफ्नो रुची अनुसारको काम गर्नुहोस् यसले तपाईंलाई कहिल्यै दुखी बनाउँदैन ।
आफ्नो लक्ष्य प्राप्तिको लागि सम्पूर्ण ध्यान केन्द्रित गरेर दत्तचित्त भइ काम गर्नुहोस् । यसले तपाईंको जीवनमा एक सुखद परिवर्तन हुन्छ र तपाईंले आफ्नो लक्ष्य पनि प्राप्त गर्न सक्नुहुन्छ ।
कहिल्यै पनि नपछुताउने
पछुतोले जीवनमा तपाईंलाई कहिल्यै पनि अगाडि बढ्न दिँदैन । आफ्नो जीवनलाई परिवर्तन गर्नको लागि तपाईंले आफ्नो गल्ती र कमीकमजोरीलाई स्विकारेर अगाडि बढ्नुपर्छ । बितेका कुरामा पछुतो मानेर सँधै टोलाएर जीवनलाई पछाडि नधकेल्नुहोस् ।
सन्तुलित जीवन जिउन सिक्ने
उमेर सँगसँगै हरेक मानिसको स्वास्थ्य पनि परिवर्तन हुन्छ । स्वस्थ व्यक्तिले मात्रै कुनै पनि कामलाई सजिलै गर्न सक्छ ।
यसैले सन्तुलित खानपान गर्नुहोस्, धुम्रपान–मद्यपान नगर्नुहोस्, दैनिक व्यायाम गर्नुहोस् यसले तपाईंको जीवनमा सकरात्मक परिवर्तन हुन्छ । यसरी जीवनमा परिवर्तन गरेर खुसीयालीपूर्ण बनाउन सकिन्छ ।
