काठमाडौं, ५ पुस । चालू आर्थिक वर्ष वर्ष २०७८/७९ को ५ महिनामा २९ अर्बको वैदेशिक लगानीको प्रतिवद्धता आएको छ ।
उद्योग विभागको तथ्यांक अनुसार चालू आर्थिक वर्षको पाँच महिना (मसिर १५ गते) सम्मको अवधिमा विभिन्न १२० आयोजना सञ्चालनको लागि कुल २९ अर्ब ८५ करोड रुपैयाँ बराबरको लगानी प्रतिवद्धता आएको हो ।
विभागको तथ्यांक अनुसार यस अवधिमा सेवा क्षेत्रमा मात्रै साढे १५ अर्बको लगानी प्रतिवद्धता आएको छ ।
सेवामूलक ३५ वटा योजनाको लागि पाँच महिनामा १५ अर्ब ९५ करोड रुपैयाँ बराबरको लगानी प्रतिवद्धता आएको हो ।
धेरै लगानी प्रतिवद्धता आएको दोस्रो परियोजनामा पर्यटन क्षेत्र रहेको छ । यस समयमा पर्यटनसँग सम्बन्धित ५५ परियोजनामा ९ अर्ब ५५ करोडको लगानी प्रतिवद्धता आएको छ ।
ऊर्जामूलक आयोजनाअन्तर्गत ५ करोड ६० लाख रुपैयाँमात्र वैदेशिक लागानी प्रतिवद्धता आएको छ ।
कृषि क्षेत्रमा क्षेत्रमा जम्मा ४ वटा परियोजनामा ६० करोडको वैदेशिक लगानीको प्रतिवद्धता आएको छ ।
त्यस्तै सबैभन्दा कम लगानी प्रतिवद्धता भने सूचना, सञ्चार तथा प्रसारण प्रविधिमा आधारित आयोजनातर्फ आएको छ । ६ वटा परियोजनामा आधारित त्यसतर्फ ४५ करोड लगानीको प्रतिवद्धता आएको छ ।
